Міжнародны дзень роднай мовы адзначаецца 21 лютага
Міжнародны дзень роднай мовы адзначаецца 21 лютага
З легендаў i казак былых пакаленняў,
З калосся цяжкога жытоў i пшанiц,
З сузор`яў i сонечных цёплых праменняў
Ты выткана, дзiўная родная мова
Сёння ў свеце налічваецца больш за шэсць тысяч моў. Палова з іх знаходзіцца пад пагрозай знікнення. Менавіта дзеля іх захавання, садзейнічання прызнанню і выкарыстанню ў 1999 годзе рашэннем ЮНЕСКА быў абвешчаны Міжнародны дзень роднай мовы, які адзначаецца 21 лютага.
У нашай краіне дзве дзяржаўныя мовы. Але ў гэты дзень галоўным аб`ектам увагі становіцца мова тытульнай нацыі — беларуская. Эксперты лічаць, што сёння яна праяўляе даволі высокую ступень жыццёвасці, актыўна пранікае ў новыя, сучасныя сферы ўжытку, напрыклад у інтэрнэт-прастору, і гэта сведчыць пра яе рэальную запатрабаванасць, жаданне людзей ёю карыстацца. Але не адмаўляюць даследчыкі і тое, што існуе відавочная праблема з шырокім выкарыстаннем беларускай мовы ў паўсядзённасці. Для большасці грамадзян нашай краіны яна не з`яўляецца пастаянным сродкам зносін, а ў выніку звужаецца неабходнае для яе развіцця асяроддзе.
Мова жывая, пакуль на ёй гавораць. Дзень роднай мовы — нагода яшчэ раз задумацца пра лёс і будучыню той, якую мы завём нацыянальнай і матчынай.
Валодаць замежнымі мовамі сёння неабходна і прэстыжна: англійскай, нямецкай, французскай, кітайскай. А роднай? Калі шчыра, каштоўнасць гэтага скарбу ўсведамляюць нямногія. На жаль. Мову вывучаюць у школе, нядрэнна разумеюць, але мала хто свабодна на ёй гаворыць і ёю карыстаецца. Прычыны гэтага называюць розныя: не хачу, не ўмею, саромеюся, баюся быць незразумелым ці якія іншыя. А можа, варта проста памяняць свае адносіны да мовы, адважыцца і пачаць? Паспрабаваць хаця б на працягу аднаго дня, 21 лютага, гаварыць з калегамі, сябрамі, блізкімі на роднай мове.
План правядзення Дня роднай мовы
|
№ |
Назва мерапрыемства |
Клас |
Час правядзення |
Адказныя |
|
1 |
Афармленне выставы да Дня роднай мовы |
9 - 11 |
Пінчук Г.В., Маляўка Т.Г. |
|
|
2 |
Удзел у раённым конкурсе буктрэйлераў “Чытай сваё” |
10 |
15.00 |
Малішэўская Н.В. |
|
3 |
Правядзенне конкурсу “Буслік –2019” |
3-11 |
1 урок |
Пінчук Г.В., Маляўка Т.Г. |
|
4 |
Правядзенне моўнага турніру “Моўныя залацінкі” |
2-4 |
3-4 урокі |
Пінчук Г.В., Маляўка Т.Г. |
|
5 |
Правядзенне моўнага турніру “Знаўца беларускай мовы” |
5-7 |
6 урок |
Пінчук Г.В. |
|
6 |
Літаратурная вечарына “Не пакідаўце ж мовы роднай” |
8-11 |
7 урок |
Маляўка Т.Г. |
